Марио Балотели беше дел од италијанската репрезентација која го освои европското сребро во 2012 година, напаѓач на Интер во историската сезона 2009/2010-та кога клубот ја освои тројната круна и шампионската титула во Премиер лигата со Манчестер Сити.
Во текот на кариерата ги носеше и дресовите на Милан, Ливерпул и Марсеј, а последниот договор го одработи во турски Адана Демирспор.
Познатиот спортски медиум Ас пишува дека сега би можел да заигра во Шпанија.
Некогаш големата ѕвезда на италијанскиот и светскиот фудбал, но и играч за кој повеќето ќе се согласат дека го потрошил својот талент, се вели дека е во преговори со Интерсити, клуб кој се натпреварува во третото ниво на фудбалот во Шпанија.
Медиумот ги потврди преговорите меѓу клубот и 34-годишниот напаѓач, кој моментално е слободен играч.
Балотели летово се поврзуваше дури и со Целје, но тој не премина во словенечкиот шампион, па сега се уште бара клуб.
Трансфермаркт неговата вредност ја проценува на 650 илјади евра. Според истиот извор Балотели најмногу вредел во јуни 2012 година дури 32 милиони евра.