Србинот стана првиот играч во историјата на НБА кој во една сезона успеал да постигне повеќе од 2000 поени, 1000 скока и 500 асистенции!
Никола Јокиќ со својата маестрална игра круниса уште една спектакуларна сезона.
Блескаше против Мемфис и покрај тоа што на стартот на мечот заработи незгодна расекотина на главата по жесток удар од противникот.
Тој се врати на теренот и им донесе триумф на Нагетси кој ги однесе директно во плејофот.
Сомборецот уште еднаш покажа зошто е апсолутен фаворит за повторно освојување на престижната награда МВП.
Мемфис не го поштедија Јокиќ. Џерен Џексон Јуниор брутално го удри со лактот во главата на самиот старт на натпреварот, па Србинот се здоби со сериозна расекотина.
Никола мораше да биде на клупата за лекарскиот тим да го запре неговото крварење. Сепак, тоа не го вознемири. Тој се врати на теренот со црвена лента на главата и им сервираше на Гризлис сурова одмазда.
Here’s Jaren Jackson Jr.’s elbow connecting with the side of Nikola Jokic’s head. Jokic was out of the game for two minutes while Nuggets trainers wiped down the blood. Just checked back into the game. pic.twitter.com/aimJxDtTMW
— Harrison Wind (@HarrisonWind) April 8, 2022
Беше незапирлив. За 35 минути игра постигна 35 поени, забележа 16 скока, 6 асистенции, 4 украдени топки и една блокада.
Со тоа тој стана првиот кошаркар во историјата на НБА лигата кој во регуларниот дел од сезоната има најмалку 2.000 поени, 1.000 скока и 500 асистенции.
🃏NBA HISTORY🃏
(Stat via @NBABlackburn) pic.twitter.com/hXmrp1wgKs
— x – Denver Nuggets (@nuggets) April 8, 2022
Нагетси со овој триумф го обезбедија шестото место на Западот и директен пласман во НБА плеј-офот.
Пред крајот на регуларниот дел од сезоната имаат 48 победи и 33 порази, односно недостижна предност во однос на седмопласираната Минесота.