Најдобриот тенисер во светот, Новак Џоковиќ, продолжи да го зголемува сопствениот рекорд по бројот на недели поминати на врвот во светскиот тенис, бидејќи денеска ја започна 340 -та недела на врвот на АТП листата.
Новак одамна го надмина Роџер Федерер и е тенисер со најмногу недели на првото место на АТП листата, а му требаат уште 37 недели за да ја помине Штефи Граф на вечната листа.
Како и минатата недела, Џоковиќ е прв со 12.133 поени, а втор е рускиот тенисер Данил Медведев со 10.575.
Меѓу првите десет во светот нема промени, па затоа водечките двајца ги следат Стефанос Циципас, Александар Зверев и Андреј Рубљев.
До десеттата позиција се уште и Рафел Надал, Матео Беретини, Доминик Тием, Рожер Федерер и Каспер Рад.