Денвер Нагетс го победи Хјустон со 133:112, но мечот го одбележа новото достигнување во кариерата на Никола Јокиќ кој заврши со нов трипл-дабл учинок и испиша нова историја во НБА.
Јокиќ со 24-от трипл-дабл во сезоната, стигна до бројката од 100 во кариерата. За 28 минути поминати на теренот забележа 14 поени, 11 скока и 10 асистенции.
Ако Никола Јокиќ продолжи со маестралните игри, има можност да стане четвртиот играч во историјата кој три пати по ред бил МВП на лигата, покрај Бил Расел (1961-1963), Вилт Чембрлен (1966-1968) и Лери Бирд (1984-1986).
100 big ones 📈 pic.twitter.com/4WrUhN0UIN
— Denver Nuggets (@nuggets) March 1, 2023
Денвер беше во водство од почетокот на натпреварот, стигна и до максимални плус 26 разлика.
Џамал Мареј беше најдобар кај Денвер со 32 поени, додека Браун додаде 15 поени.
Денвер Нагетс моментално се лидери на Западот, додека Хјустон Рокетс го зазема дното на табелата во истата конференција.