Според многумина, најсилниот ММА борец на сите времиња, Федор Емелијаненко (45), го победи Американецот Тимоти Џонсон на Белатор 269 што се одржа во Москва.
„Последниот император“ ја заврши својата повратничка борба за само 1 минута и 46 секунди. Американецот се закани на стартот од рундата, а потоа моќниот Русин реши да му одржи лекција. Тој врза два страшни удари, го испрати својот ривал на подот и со тоа избори пласман во финалето.
За неприкосновениот шампион на организацијата „Прајд“ ова беше јубилејна 40-та победа во кариерата.
„Два животински удари на Федор, ГОАТОТ се врати дома на супериорен начин“, врескаше американскиот коментатор во преносот.
Интересно е што овој 45-годишен борец се пензионираше пред две години, но по долга пауза реши да се врати во кафезот и тоа го направи на импресивен начин. За прв пат од 2016 година, тој се појави пред домашната публика и победи. Така на домашните натпревари го задржа максималниот учинок во кариерата.
Според договорот што го има со Белатор, на рускиот борец му останува уште една борба и се очекува потоа дефинитивно да ја заврши блескавата кариера.
🐐The Last Emperor scores the KO in Moscow!
What a moment for Fedor, in Bellator’s historic first Russian event.#Bellator269 pic.twitter.com/gZq4pH5bMa
— BellatorMMA (@BellatorMMA) October 23, 2021