Шпанските фудбалери ја совладаа Швајцарија со 1-0 во 3. коло од Лигата на нации, но гостувањето на „црвената фурија“ го одбележа еден детал кој немаше никаква врска со самата игра.
Селекторот на Шпанија, Луис Енрике по мечот во Швајцарија направи „итар“ потег кога спаси млад навивач кој истрча на теренот сакајќи да им пријде на играчите на својот тим!
На социјалните мрежи се појави видео од ситуацијата по натпреварот во кој Пабло Сарабија со својот гол им донесе победа на Шпанците.
Едно момче по натпреварот истрча на теренот, поради што редарите почнаа да го бркаат за да го фатат. Сепак, успеа доволно да им побегне, се додека Луис Енрике не реагираше.
Селекторот на Шпанија се израдува на момчето кое притрча во неговите прегратки, а потоа му дозволи да се поздрави со својот идол Марко Асенсио.
Фудбалерот на Реал Мадрид веднаш го соблече дресот и му го даде на момчето, па овој упад заврши на најдобар можен начин. А Луис Енрике покажа каков император е…
Еве како изгледаше тоа:
DON LUIS ENRIQUE MARTÍNEZ GARCÍA. pic.twitter.com/0GismpA0mU
— Jose 🐢 (@JosxFCB) June 12, 2022