Рускиот тим Локомотив Кубан е последен кој избори пласман на завршниот турнир во кошаркарската Евролига, кој ќе се игра од 13 до 15 мај во Берлин.
Кубан во својот дебитанскиот настап во Евролигата ја доби мајсторката против Барселона со 81-67 и со 3-2 во победи во четвртфиналната серија избори место на фајнл-фор турнирот.
Решавачкиот меч во Краснодар го одбележа голем број пресврти и брилијантниот настап на Крис Синглтон, кој во последната четвртина со серија од 12 поени му го трасираше патот на завршниот турнир на својот клуб.
Локомотив одлично започна, целосно го контролираше мечот во првото полувреме, по кое стекна предност од 11 поени 50:39.
Но Барселона одговори во третата четвртина, постигна 23, а прими само 8 поени и во последниот период влезе со предност од четири поени 58:62.
Во последниот период блесна Синглтон, кој постигна 12 поени, а Локомотив стекна предност од 9 поени, која благодарение и на добрата игра во одбраната не ја испушти до крајот.
Синглтон мечот го заврши со 16 поени и 12 скокови, Малком Дилејни постигна 17 поени, а Рајан Беркхов постигна 14 поени од кои 4 тројки.
Локомотив на завршниот турнир во руското полуфинале ќе игра против ЦСКА Москва, додека во второто полуфинале ќе се сретнат Фенербахче и Лаборал Куча.