Новак Џоковиќ оваа среда во Белград закажа обраќање до јавноста, а откако новинарите се собраа на тренингот во Спортскиот центар „Новак“ го видоа неговиот спаринг партнер.
Во прашање е малку познат тенисер, Шпанецот Карлос Гомез Херера, 611-ти тенисер на АТП листата.
Гомез-Ерера е роден 1990 година во Марбела и е пријател со братот на Новак, Марк, кого го познава од академијата на познатиот тренер Пепе Имаз, кој е и тренер на „Чарли“.
Гомез Ерера го имаше најдобриот пласман во мај 2018 година, кога беше 268-ми тенисер во светот.
Во Белград во 2012 година првпат во кариерата беше во главниот ждреб на АТП турнирот. Сега се врати на истото место и тренира со Новак пред најдобриот светски тенисер да отпатува за Дубаи, на турнирот на кој ќе игра следната недела.
Шпанецот игра со десната рака, а најсилниот удар му е бекхенд со две раце. Како и секогаш. Новак внимателно ги бира своите спаринг партнери и така беше и овој пат.
