Барселона ги пријави загубите – Од сумата ќе се заболи глава!

Loading

Фудбалскиот клуб Барселона денеска објави загуба од 481 милион евра по оданочување за фискалната 2020/2021 година.

Според клубот, ова е пад на приходот од 26%, или 224 милиони евра во споредба со претходната година. Една од причините е влијанието на пандемијата на корона вирусот врз целокупниот бизнис.

Трошоците за работа пораснаа за 19%, на 1,136 милијарди евра, што е рекорд на клубот.

Барселона изјави дека проценетата загуба е 181 милиони евра поради неможноста да се отворат стадионот за навивачи и клупскиот тренинг центри поради пандемијата.

Каталонскиот клуб заработи 631 милион евра во 2020/2021 година, многу под 828 милиони евра предвидени во буџетот.

Приходите од трансфери беа 56 милиони евра, што е намалување за 92 милиони евра.