Дражен Петровиќ беше веројатно најдобриот бел играч на сите времиња.
Тој остави голема кошаркарска трага во Југославија, Хрватска, Европа и НБА лигата, каде две години играше за Њу Џерси Нетс, пред неговата кариера трагично да заврши на 28-годишна возраст во сообраќајна несреќа.
Дамир Дамјаниќ, денес пејач, започна како момче во кадетите на Шибенка и беше пријател со Дражен Петровиќ, за кого и до ден денеска мисли дека е најдобар. И во однос на талентот и трудот што го вложуваше.
“Се дружевме, трениравме заедно како деца. Секогаш навиваше за Партизан, јас за Ѕвезда. Знам дека неговиот татко беше полицаец од Херцеговина. Знам дека неговата желба беше да оди во Партизан, таму играше и неговиот идол Кичановиќ. Кога доаѓаме да играме во Белград, со било кој, секогаш не следеа двајца од Партизан, одвојуваа време во хотелот да разговараат со него, да го регрутираат. Но прво Аца (братот на Дражен Петровиќ) од Цибона и Мирко Новосел по таа линија го одведоа во Загреб. Тоа беше пресудно што Цибона играше во Купот на шампионите во тоа време, што беше важно за него. Ако Партизан беше шампион на Југославија, кој знае што ќе се случеше, рече Дамјаниќ за Мондо.