Еден од најдобрите фудбалери на Манчестер Јунајтед во историјата, Вејн Руни стана ѕвезда на новиот документарен филм во продукција на Амазон.
Во него долгогодишниот напаѓач на ѓаволите, а некогаш и Евертон, зборуваше за моменталната ситуација во клубот, нагласувајќи дека падот започнал многу пред пензионирањето на Сер Алекс Фергусон во 2013 година.
Тој смета дека Јунајтед ја освои последната титула само поради доаѓањето на Робин ван Перси, кој таа сезона постигна 26 гола и го носеше целиот тим.
– Се можеше убаво да се види по 2011 година. Роналдо си замина во 2009 година, а потоа и Тевез и можеше да се претпостави дека работите ќе тргнат наназад, а не нанапред. Го видов и затоа почнав да поставувам прашања. За жал, ми се чини дека до ден денес не се опоравија – вели Руни.
По таа сезона Јунајтед не го допре пехарот за шампионот во Премиер лигата.
– Тој тим од 2013 година не беше одличен. Мислам дека беше вистинско чудо што ја освоивме лигата. Огромен дел од се беше Ван Перси. Неговото доаѓање подигна сè, одигра девет, постигна многу голови. Тоа беше велемајсторски потег на менаџерот, да го донесе и да биде толку гладен за трофејот, затоа што веќе беше во години. Не носеше таа сезона.
Во истото сознание Руни открил дека навистина долго се борел со депресијата, а како лек за тоа го нашол алкохолот.
– Тоа беше кога добивме неколку слободни денови, надвор од фудбалот, а јас само се заклучував и пиев, па сакав да избришам се од мојата глава. Луѓето знаат дека сакав да излегувам и да пијам, но тоа беше многу повеќе од тоа. Сега луѓето се повеќе се охрабруваат да зборуваат за тоа. Во тоа време и кај мене и кај другите играчи немаше шанса да влезеш во соблекувалната на Јунајтед и да почнеш да кажуваш „вака се чувствувам“. Вие не би го направиле тоа. Потоа страдате од внатре кон надвор пред да дозволиш сето тоа да излезе. Како заклучок, успеав да заборавам некои работи со кои се занимавав – заклучил Руни.