Кошаркарите на Фенербахче гостуваат кај екипата на Партизан во 25. коло од Евролигата, а при загревањето на екипите вниманието на фоторепортерот го привлече тетоважата на асот на истанбулскиот великан.
Имено, Карсен Едвардс, поранешен НБА играч, на левата нога има тетоважа на поранешниот американски претседател Барак Обама.
Да потсетиме, овој натпревар е многу важен за Фенербахче од неколку причини. Избраниците на Димитрис Итудис ќе излезат на терен во целосно црни дресови во чест на настраданите од земјотресот во Турција, а бараат и континуирани резултати во текот на целата сезона.
Поради немилите настани имаа кратка пауза, па победа во Белград би им била многу важна.