Претседателот на КФСМ, Перо Антиќ е пред заминување од оваа функција откако на негова адреса стигна нова иницијатива за негова промена.
Иницијативата е поднесена од страна на поранешниот репрезентативец, Младен Ѓуроски кој треба да биде негов наследник.
Тој достави ново барање за свикување на највисокиот орган во македонската кошарка со официјална поддршка од 37 членки на Собранието.
Оваа бројка е далеку поголема од потребната, бидејќи според Статутот само со 11 потписи може да се поднесе ваква иницијатива.
Ѓуроски со ова покажа дека има поддршка од речиси сите субјекти во македонската кошарка, а бројката на клубови е и поголема од официјално презентираните 37.
Според Статутот на федерацијата, Антиќ е должен во рок од 15 дена да свика Собрание.
Ако тој не го стори тоа во предвидениот рок, тогаш Иницијаторите предводени од Ѓуроски ќе можат сами да го свикаат и одржат Собранието и полноправно да одлучуваат дури и без присуство на сегашниот претседател Перо Антиќ.