full screen background image
Последни Вести

ЛШ:Барселона-Баерн и Јувентус-Реал М. се двојките за 1/2 финалето по ждрепката во Нион

Барселона-Баерн Минхен и Јуветус-Реал Мадрид се полуфиналните двојки во најелитното натпреварување во Европа, Лигата на шампионите.

Champions-League-Quarter-Final-Draw

Ова е епилогот по ждрепката која се одржа во седиштето на УЕФА во Нион во Лигата на шампионите.

Тоа значи дека Пеп Гвардиола се враќа на “Ноу Камп”, откако во полуфиналето го доби неговиот поранешен клуб Барселона, во борба за влез во финалето.

clcdraw

Актуелниот европски шампион Реал Мадрид ќе ги вкрсти копјата со италијанскиот првак Јувентус.

Првите полуфинални натпревари се играат на 5. и 6. мај, реваншите се седум дена подоцна, а големото финале ќе се игра на 6. јуни во Берлин.

Познати се двојките од полуфиналето и во второто по ранг клупско натпреварување на Стариот континент – Лига Европа.

Champions-League-Quarter-Final-Draw2

За место во финалето Наполи ќе се бори со Днипро, додека бранителот на титулата Севиља ќе игра двомеч со Фиорентина.

Првите натпревари се играат на 7. мај, а реваншите се закажани за седум дена подоцна.