Кошаркарите на МЗТ Скопје никако да стигнат до првата победа оваа сезона во АБА лигата.
По голема борба и две продолженија, МЗТ Скопје пред своите навивачи загуби и од Цибона со 85-89 за нов 4-ти пораз по ред.
По натпреварот тренерот Емил Рајкоиќ поднесе оставка, а клубот реши да ги раскине договорите со Америкаците Џеремаја Мејси и Тори Томас.
МЗТ Скопје беше на чекор до првата сезонска победа во АБА, но најмногу поради сопствените грешки, запишаа уште еден пораз.
МЗТ најпрвин дозволи Цибона да избори продолженија, а потоа и да го добие мечот.
Блескаше во тимот од Загреб Анте Жижиќ со 37 поени и 20 скокови.
Луќиќ со 18, Тејмс со 17 и Лалиќ со 15 поени беа најефикасни во редовите на македонскиот првак.
„Дадов се од себе, но едноставно немаме резултати. Јас како тренер и човек негувам високи морални вредности и поради тоа поднесов неотповиклива оставка.
,,На МЗТ му посакувам среќа во наредниот период“, изјави Рајковиќ по натпреварот.
МЗТ следниот меч го игра против, Лиеткабелис во рамките на Еврокупот, а тимот ќе го предводи Александар Јончевски.
Инсерти од мечот…