Американскиот спортски медиум „ЕСПН“, дознава дека кошаркарот на Денвер Нагетс, Никола Јокиќ, има позитивен тест на COVID-19.
Јокиќ наводно се тестирал во Белград, резултатите не се како што очекуваше. Тој е позитивен на COVID-19, па така одложено е неговото враќање во САД.
Нема никакви симптоми, а се очекува кога ќе биде излечен, да се врати во Денвер, односно да го одложи своето патување за најмалку една до две недели.
Јокиќ на 11 јуни беше во друштво со Новак Ѓоковиќ, кој вчера исто така доби позитивен тест на коронавирус, заедно со неговата сопруга Јелена.
