Возачот на Јамаха Валентино Роси победи на трката за Големата награда на Каталуња што се возеше во Барселона.
Популарниот Доктор до втората сезонска победа, 88-та во „кралската класа“ и 114-та во кариерата дојде пред возачите на Репсол Хонда Марк Маркез и Дани Педроса.
Легендарниот Италијанец, во Барселона, возеше брилијантна трка, стартуваше од петтиот ред, но на 19 кругови до крајот стигна до првото место, а во последните кругови успеа да го издржи налетот на Маркез кој на крајот го освои второто место.
Актуелниот светски првак и лидер оваа сезона Хорхе Лоренцо не ја заврши трката, Шпанецот на девет кругови пред крајот имаше дуел со Андреа Јаноне од Дукати па и двајцата не ја завршија трката.
Лоренцо ја загуби и лидерската позиција во генералниот пласман, па сега на првото место е Маркез со 125 бодови, Лоренцо има 110, а Роси е трет со 103 бода.
Следната трка во Мото ГП шампионатот ќе се вози на 26.јуни во Асен, Холандија.