Фудбалскиот свет се збогува со легендарниот холандски фудбалер Јохан Кројф кој почина од рак на белите дробови на 68 години утрово.
Тој од октомври минатата 2015 година дозна дека боледува од оваа тешка болест од која не успеа да се избори. Кројф се прослави како напаѓач на Ајакс и Барселона, а три пати ја освојуваше Златната топка.
Како играч на Ајакс освои три последователни Европски купови, а како менаџер на Барселона им ја донесе првата Европска титула во 1992 година.
Во февруари Кројф изјави дека се чувствува како да води со 2-0 против ракот на белите дробови и дека е сигурен дека ќе победи, но сепак тоа не се случи.
Кројф ќе остане запаметен како еден од најдобрите светски фудбалери во историјата на фудбалската игра.
Почивај во мир мајсторе!