Тимот на Лион му го нанесе првиот пораз на актуелниот француски шампион, ПСЖ, во домашното првенство по точно 320 дена.
Тимот на Лоран Блан, загуби во дерби мечот одигран во рамките на 28.коло, од Лион со 2:1, а тоа беше најавено уште во првото полувреме кога со головите на Корне и Дардер стекна предност од 2:0.
До крајот на натпреварот Лукас Мура само го ублажи поразот на 2-1, а пред гостувањето на „Жерлан“, играчите на ПСЖ последниот пораз во домашното првенство го забележаа пред точно 320 дена, односно во минатото првенство кога загубија во Бордо.
Сепак овој пораз не е никаков аларм кај принцовите бидејќи тие се на чекор од освојување на нова титула во француското првенство бидејќи ПСЖ по 28 кола има 23 бода повеќе од вторпласираниот Монако.