Италијанскиот куп го доби и вториот финалист.
Во драматачна завршница на Сан Сиро, фудбалерите на старата дама дури по изведувањето на пеналите обезбедија ново второ по ред финале во купот откако со 5-3 во пенал рулетот го победија Интер.
Јувентус имаше предност по првиот меч од 3:0, но во реваншот Интер се погрижи истата да ја анулира во регуларните 90 минути.
Интер го одигра најдобриот меч во сезоната, успеа против најдобриот италијански тим да слави со 3:0, но во пенал серијата победникот го реши промашувањето на Родриго Паласио.
Головите за Интер ги постигнаа хрватските репрезентативци, Марсело Брозовиќ во 16. и 82.минута и Иван Перишиќ во 49.минута, но недоволно да гледаме миланско финалето во националниот куп на Италија.
Па така старата дама му се приклучи на Милан во битка на најголемите италијански ривали за нов трофеј во витрините.
Милан чека нов пехар од ова натпреварување од 2003, додека Јувентус минатата година по цели 20 години повторно го освои купот што значи дека ќе ја брани титулата.
Финалето на италијанскиот Куп ќе се одигра на 21 мај на Олимпискиот стадион во Рим.